Þegar ég byrjaði að nota Twitter komst ég að því að maður þarf að nota veffangastyttara til að hafa meira rými fyrir texta. Þar sem lénið mitt er stutt fannst mér við hæfi að búa sjálfur til veffangastyttara.
Hann er núna tilbúinn, og verður í takmarkaðan tíma opinn almenningi til að stytta vefföng í tístum, tölvubréfum eða annarsstaðar þar sem almenningi þóknast.
Notkunin er gjaldfrjáls með öllu, en engin ábyrgð er tekin á að hún virki, hvað þá að hún verði opin um ókomna tíð.
Slóðin á veffangastyttarann er http://www.gyl.fi/veffangastyttari.php.